Feb. 27 nü NPA senden amentsü

Dimapur, February 06 (TYO): Nagaland Press Association (NPA) lokti senden den office ketdangpur tasen shimba sentong February 27, 2019 anüngdang 12:00 ako nungi Hotel Saramati, Dimapur nung amentsü, ta tanü NPA General Secretary-i sangdong ka nung metetdaktsü.
Iba senden nung züngsemtemi tebilemba onük bener arua adentsü mepishir, ta sangdong nung shia lir.
NPA team tasen shimtsü atema tentetba Nomination Committee-i maparen temogo aser parnoki iba osang agutsüba den külemi tebilemba onüktem lemsateptsü.
NPA nung adentsü jangrar züngsem tasenpura NPA-i agizüktsü, anungji media houses mesüra press clubs den tongteprateptsü akok, ta kasa sangdong nung shia lir.