Feb. 28 tashi nung bank ac alir ajaki bank nem PAN card agutsütsüla

New Delhi, January 08 (Agencies): Black money aser sorkar nem saru magutsüba anema maneni mera tasen ka agia Deobarnü sorkari bank accounts alir ajak dang, February 28, 2017 nü tashi nung PAN (permanent account number) update asütsüla mesüra PAN malirtemi Form-60 renema bank nem agutsütsüla, ta metetdaktsüogo.
Iba dak sentakba nung sorkarisa bank tem dang, iba anogo tashi nung bank account alir ajak dang PAN meshiang mesüra PAN melira Form-60 meshiang, ta metetdaktsüogo.
Yaküm November 8 nü sorkari sen 500 aser 1,000 notes anentsüba sülen maneni saru magutsürtem anema mera takhang agia iba telemtetba agiogo.
Deobarnü Central Board of Direct Taxes (CBDT)-i, “February 28, 2017 nü tashi nung bank temi PAN mesüra Form No. 60 meshia tang aliba bank account ajak (BSBDA dak alaka) sentakteptsü atema Income-tax Rules nung temelenshi kaogo,” ta metetdaktsü.
Bank accounts alir, shirnoki bank nem PAN mesüra Form No 60 agüja mali, parnoki Feb. 28 tashi nung PAN mesüra Form No 60 bank nem agutsütsü metetdaktsür, ta CBDT-i metetdaktsü.
Ajisüaka Basic Savings Bank Deposit Accounts (BSBDA) aser Jandhan accounts bo iba ozüng küboki maiter.