Feb 5 nü Modi-i Assam gas cracker project lapoktsütsü

Dibrugarh, January 17 (Agencies) : February 5, 2016 nü Prime Minister Narendra Modi-i Assam Gas Cracker Project lapoktsütsü.
Küm 9 tejaklen taoba Prime Minister Manmohan Singh-i iba project yanglutsü atema lung azünga yuja liasü.
Union minister of state for sports Sarbananda Sonowal-i ashiba agi, Modi-i Dibrugarh semdangtsü aser Lepetkata nung project lapoktsütsü.
“Assam nungeri mapang talangka aginüa aruba pungmang ka asangsang nung ataloktsü. February 5 nü Modi-i Assam nung gas cracker project lapoktsütsü osang onok dang PMO-i sangoktsüogo. Iba mapatong renemogo aser Modi-isa tanga sentongtem nunga shilem agitsü” ta Sonowal-isa ashi.
April 9, 2007 nü Manmohan-i multi-crore project yanglutsü indang lung azünga yutsü. August 15, 1985 nü otsüsütsü aketba Assam Accord nung shilem ka ama iba mapatong ya yanglutsü telemtetba agia liasü.
Shitakba agibo iba mapatong ya April 2012 nung renemtsüba liasü aser mapang talila agiba ajanga Rs 5,460 crore nungi Rs 9,285 crore endoktsüsa aküm.
Iba project dang Brahmaputra Cracker and Polymer Limited (BCPL) ta ajar aser iba nung kümshia linear low-density polyethylene (LLDPE) & high-density polyethylene (HDPE) 2,20,000 tonnes aser polypropylene 60,000 tonnes yanglutsü akoker.