February 19 nü Saudi Prince, Salman-i India semdangtsü

New Delhi, February 09 (Agencies): Tan ita Israel Ato kilonser, Benjamin Netanyahu-i India semdangtsü asü mesemdangtsüar osang mejangjar, ajisüaka February 19 nü Saudi Crown Prince Mohammed bin Salman-i India semdangtsü osangbo jangjaogo.
Prince Salman-i India semdangbaji kanga tongtibang asutsü, kechiyong India nem energy security agutsür tongti linükji Saudi Arabia lir.
2016 küm Ato kilonser Narendra Modi-ia Riyadh semdanga liasü aser iba mapang nungjagi linük ana tesendaktep ano tajungba akum.
India atema shishilembaba partner jenjang pezübuba nung Saudi Arabia linük lir. 2017-18 küm India aser Saudi na tsüngda shishilembabaji shilem 9.56 agi timba akum (US sen billion 27.48).
Salman-i India semdangba mapang nung pai New Delhi nung embassy complex tasenba semzüktsütsü.