February 25 nü Sanjay Dutt chioktsü

Mumbai, January 11 (Agencies) : 1993 Mumbai amakba ken o nung aija actor Sanjay Dutt tepuokdak yua lir aser pa February 25, 2016 nü chioktsü.
1993 küm Mumbai nung bomb atongtepa pokdaktsüba mapang Sanjay Dutt ket nung ozüng alema AK-56 rifle ka liasü aser iba nung pa aija Pune kübok Yerwada central prison nung pa puoka lir,
Pa ya küm 5 tepuokdak ayutsü atema temerenshi agüja lir saka pai yimyatsüya tajung benshiba aser jungjunga aliba agi anogo 103 jakdang pa chioktsü, ta tanü ketdangser kati osangbener dang ashi.