Fed Cup: Switzerland-i Czech Republic den semifinal asayatsü

Berlin, February 08 (Agencies): Martina Hingis aser Belinda Bencic nati doubles asaya akokba ajanga par Switzerland teloki points 3-2 agi Germany tsükdaktsüba sülen tang tasayadak Fed Cup semifinal nung shilem agitsü jenjang yashi, Deobar nü nguogo.
Switzerland teloki 1998 küm sülenbo tan mezüngsüa Fed Cup semifinal asayatsü jenjang angur lir.
Hingis o Bencic nati ghonda ka shi nung points 6-3, 6-2 ngua Germany tsür, Andrea Petkovic o Anna-Lena Groenefeld na tetsür doubles asaya nung tsükdaktsü.
Switzerland teloki Czech Republic telok den semifinal nung ajuruteptsü.
Czech Republic telokia points 3-2 agisa Romania telok madak takok ngua semfinal asayatsü jenjang angu.
Yashi mezüngbuba singles rubber asaya nung Bencic-i points 7-6 (7/4), 6-3 ngua Germany tsür, Angelique Kerber madak takok ngua par Switzerland points 2-1 agi temaba jenjang nung ajungkettsü.
Tesülen, Germany tsür, Annika Beck-i points 7-5, 6-4 ngua Switzerland tsür, Timea Bacsinszky madak takok ngua par telok anaprongla points 2-2 kümdakja Germany jenjang temalen ajungkettsü.
Ajisüaka, Hingis o Bencic nati doubles asaya nung takok anguba ajanga par Switzerland teloki yashi asaya koka semifinal asayatsü jenjang angu.