Federal Front tendangogo aser tamakok angu: Venkaiah Naidu

New Delhi, May 30 (Agencies): NDA sorkar anema JDU Tir aser Bihar Chief Minister, Nitish Kumar-i Federal Front merangdangogo, tendangogo aser tamakok nguogo, ta Union Parliamentary Affairs Minister, M Venkaiah Naidu-i ashi.
“Mezüngbuba nung, asenoki Bihar nung atalokba ngudar. Ano maneni Bihar ya arem yimsüsüba dangi meyipa odar. Taitsüba jenti lir. Parnok state ajangerbo item lenir kata mesapur. Iba ‘federal front’ ya merangdangba, tendangba aser tamakok anguba front ka lir,” ta pai interview ka nung ashi.
2019 Lok Sabha election nung BJP den madenba party tem longjemtsü atema Nitish Kumar-i inyakaba indang asüngdangba langzüdang pai item o jembia liasü.
“Modi anema tanga lenmang mali. Ato kilonser kümner aika lir. (saka) Menden tazüng mali,” ta paisa ashi.
India nunger yimtenren nung BJP-i Congress melenzükogo, ta pai ashi.
“Onok ya nationalist party kijabo masü. Tangbo onok ya chichiba national party ka lir,” ta paisa shisem.