Federer Cincinnati Open quarterfinal-i iogo

Cincinnati, August 21 (Agencies): Defending champion, Roger Federer-i South Africa nunger Kevin Anderson madak takok ngua tang US kübok Cincinnati nung tasayadak Western & Southern Open asayamong tebur singles shilem indang quarterfinal asayatsü jenjang yashi Brehostibar nü nguogo.
Tan asayamong nung 2 buba jenjang abensang, Federer-i yashi minute 55 nung points 6-1 6-1 ngua Anderson ayong ayonga akok.
Taoba July ita ayongba Wimbledon asayamong tebur singles final nung Djokovic madak takok mongutetba sülen tan mezüngsüa tennis asayamong nung shilem agisang, Federer-i Spain nunger Feliciano Lopez den quarterfinal nung ajuruteptsü.
Lopez-ia yashi points 5-7 6-4 7-6(3) agi 2013 Cincinnati champion, Rafael Nadal tsükdaktsüja quarterfinal asayatsü jenjang ajangzük.
Tan asayamong nung temaba jenjang abensang, Serbia nunger Novak Djokovic-i yashi points 6-2 2-6 6-3 ngua Belgium nunger David Goffin 3 buba round asaya nung tsükdakja quarterfinal-i aiba osanga jangjaogo.
Djokovic-i par quarterfinal asaya Switzerland nunger Stan Wawrinka den asayatsü lemzükogo.
Ano külen, India nunger Rohan Bopanna aser Romania nunger Florin Mergea nati France nunger Pierre-Hugues Herbert aser Nicolas Mahut na madak takok anguba sülen tebur doubles shilem indang quarterfinal tongogo.
Bopanna o Mergea nati yashi points 1-6 7-6(5) 13-11 ngua Herbert o Mahut na 3 buba round nung tsükdaktsü.
Tenati Croatia nunger Ivan Dodig aser Brazil nunger Marcelo Melo na den quarterfinal nung ajuruteptsü.