Federer French Open nung masayatsü

Tsüklai/February 20, 2020 (Agencies): World no 3 Roger Federer temokok yiruba ajanga taruba French Open nung masayatsü. Swiss nunger asayar ya tawa Switzerland nung arthroscopic surgery agiogo aser taruba French Open nung masayatsü jangjaogo. Pa Dubai, Indian Wells, Bogota aser Miami Open nunga masayatsü.
“Kü temokok tachichilen mapang tatsüka timtema aruogo. Ni takaratiba nung asayatsü kanga yongyaa atar,” ta Federer-i ashiba ATP Tour-i Brehostibarnü tweet asü.
Reuters sangdong ka ajanga ashiba agi, taküm clay court nung asayaba asayamung tem rongnung Roland Garros kija nung Federer asayatsü imlaa liasü.
Federer, shibai 2018 küm Melbourne Park nung Grand Slam 20buba kokteta liasü, pai season 22buba metenzük tsüngda par kibong den mapang indoktsü asoshi Australia nung taküm mezüngbuba ATP Cup nung shilem magitsü telemtetba agi
November ita tatemsa asayaba sülen khen danga masayai lir pa Australian Open nung asayatsü aru saka pai semi-finals tonga asayatetogo kong pa Novak Djokovic-i tsükdakja liasü.