Paris, May 19 (Agencies): Switzerland nunger tennis asayar mongin, Roger Federer-i tongti tennis asayamong, 2016 French Open nung shilem magitettsüsa akümba osang ka tanü, Brehostibar nü metetdaktsüogo.
“Ni teberem yirua aliba ajanga taküm asayatsü ayongba French Open asayamong nung shilem magitettsüsa akümba osang sangoktsür,” ta 2009 French Open takok marok agizüksang, Federer-i par Facebook page ajanga metetdaktsü.
Tan French Open asayamong nung shilem magitettsüsa akümba ajanga taoba mapang Grand Slam takok marok 17 tashi agizüksang, Federer-i Grand Slam asaya 65 tashi atonga akokba otsü raksatsüsa tia ajurur lir.
Taküm 2016 küm tenzüker tanü tashi temokok aser teberem timtem ajurua alisang, arishi küm 34 tain World No.3, Federer-i 1999 küm US Open asayamong nung shilem magitettsüa akümba sülenbo tan mezüngsüa Grand Slam asayamong nung shilem magitettsüsa jenjang ajurur lir.
You must be logged in to post a comment Login