Federer o Serena nati Cincinnati takok marok agizükogo

Cincinnati, August 24 (Agencies): Switzerland nunger tennis asayar mongin, Roger Federer-i tebur singles final asaya koka tan agi Cincinnati Open takok marok 7 buba yashi, Deobar nü agizükogo.

Arishi küm 34 tain Federer-i yashi points 7-6 (7/1), 6-3 ngua temaba jenjang nung alisang, Serbia nunger Novak Djokovic final asaya nung tsükdakja iba takok marok ya agizük.

Taoba mapang Grand Slam takok marok 17 tashi agizüksang, Federer-i tan takok anguba ya ATP takok marok 87 buba aser Masters asaya 1000 buba nung takok marok 24 buba agizüker lir.

Federer-i yashi takok anguba sülen World No. 1 Djokovic sülen anidaka tebur tennis asayar tarensen nung World No. 2 kümogo.

America tsür Serena Williams-ia yashi final asaya nung takok ngua WTA Cincinnati tetsür singles shilem indang takok marok agizükogo.

Tetsür tarensen nung World No. 1 Serena-i yashi points 6-3, 7-6 (7/5) ngua tasembuba jenjang nung alila, Simona Halep final nung tsükdaktsü.

Arishi küm 33 tain Serena-i tan agizükba ya densema WTA takok marok 69 buba agizüker küma Australia tsür Evonne Goolagong ajangteta open yimya nung tennis asayatsü tenzüker tanü tashi nung WTA takok marok timba angur tarensen nung 5 buba asayar kümogo.

Czech Republic tsür, Martina Navratilova-i taoba mapang  takok marok 167 tashi agizüka tang temaba jenjang nung lir.

Yashi agizükba ya Serena-i Cincinnati takok marok 2 buba atonga agizüker lir.