Federer ‘world’s most marketable athlete 2016’ liasü

Madrid, January 13 (Agencies) : London School of Marketing-i asadangba osang ka ajanga ashiba agi, Switzerland nungi tennis asayar Roger Federer 2016 world’s most marketable sports liasü.
Parnoki asadangba ya Association of Tennis Professionals (ATP) website nung Brihostibarnü adoktsüogo. Tesüiba mapang world no 1 aser tang world no 17, Federer-i 2016 küm takok aika monguaka sen million dollar 60.7 shi aateta liasü.
“Pai company balala indang oset ajungkettsüba inyakyim nung takok ngua inyaktetba ajanga nija-i merang inaykba ajanga takok bena aruba sayur,” ta iba asadangertemi ashi.
Iba tarensen nung Federer sülen America nunger basketball asayar LeBron James-i sen million dollar 53.8, golf asayar Phil Mickelson-i sen million dollar 50.2 aser Tiger Woods-i sen million dollar 44.8 aateta lir.
Ano pa den külemi tennis asayartem Novak Djokovic-i aser Rafael Nadal-i sen million dollar 33.8 aser 31.8 aateta top 10 nung densema lir.
Tang alima nung marketable asayar temaba 10 ji yamai:-
1) Roger Federer (tennis)
2) LeBron James (basketball)
3) Phil Mickelson (golf)
4) Tiger Woods (golf)
5) Kevin Durant (basketball)
6) Rory Mcilroy (golf)
7) Novak Djokovic (tennis)
8) Cristiano Ronaldo (football)
9) Jordan Spieth (golf)
10) Rafael Nadal (tennis).