Felix-i Bolt ajateta medal timtiba ngutetogo

Doha, Rongjui/September 30 (Agencies): United State nungi asayar Allyson Felix-i Usain Bolt ajateta World Athletics Championships nung medal timtiba koktetba asayar kümogo. Doha nung tang tasayadak World Athletics Championships nung 4x400m mixed relay nung lai lar team nem teyari agüja iba alizüng tongtetogo.
Felix-i tang tashi nung gold medal 12 koktetogo koba Bolt dang nungi ka agi timba asütsü.
Deobarnü USA team-i 3:09.34 nung alizüng tongteta otsü tasen ka yangluogo. 4x400m mixed relay masemtep tsüngda Felix-i Bolt den medal kasa nguteter liasü.Asaya nung lai Michael Cherry nem teyari agütsüba ajanga Cherry-i Poland nunger asemer ajateta parnok tejakdang aküm aser asaya akok.
Poland team-i mezüngbuba tebur ana asemdaktsü aser Cherry masem tsüngda parnok tejakdang ser ayong ayonga asema liasü. Felix, lar team atema tanabuba leg asema liasü.
Poland-i team iba asaya nung takok mongutet, kechiyong Jamaica team tanabuba aser Bahrain tsembuba nung tembanga liasü.
Arishi küm 33 tain Felix-i world championships nung 200m, 400m, 4x100m, 4x400m aser mixed 4x400m nung medal 12 kokteta lir.