Femina Miss India World 2017 Manushi Chhillar-i shimtet

Medical student Manushi Chhillar nem Femina Miss India World 2017 takok korang semtsüdang tangokba noksa nung angur.

Mumbai, June 26 (Agencies): 54buba Femina Miss India World 2017 sentong Mumbai nung June 25, 2017 aonung takok ngua agiogo aser Haryana tsür Manushi Chhillar-i iba takok korang ngutet. India linük nungi tetsürtem rongnung tebur tajungtila shimba sentong nung tanabuba jenjang Jammu & Kashmir tsür Sana Dua aser tasembuba jenjang Bihar tsür Priyanka Kumari nati ngutet.
Iba sentong ya Mumbai nung aliba Yash Raj Studio, Mumbai nung Deobar aonung agi.
Manushi tsürabur ya doctor dang lir aser la ya Delhi nung aliba St. Thomas School aser Sonepat nung aliba Bhagat Phool Singh Governemnt Medical College for Women nung zünga intet.
Iba tetoktepba nung Vinali Bhatnagar-i ‘Miss Active’ takok angu aser Vamika Nidhi-i ‘Body Beautiful’ takok angu.
Taküm iba tetoktepba nung shilem agitsü asoshi yimya tasen ka amshia linük nung aliba state 30 nungi shilem agi.
Taküm ya mezüngbuba süa final nung India nunger sübutsü sübu aser iba sübutsü ya Manish Malhotra-i design asü.
Iba tetoktepba nung shilem agir tetsür 30 prongla ya Neha Dhupia, Waluscha De Sousa, Dipannita Sharma aser Parvathy Omanakuttan nungeri mentor asü.
Iba tetoktepba nung tetendanger ya Miss World 2016, Stephanie Del Valle den Bollywood nungi Arjun Rampal aser Bipasha Basu, fashion designer Manish Malhotra, Abhishek Kapoor, Vidyut Jammwal aser Ileana D’Cruz nungertem liasü.
Iba tetoktepba sentong ya Karan Johar aser Riteish Deshmukh nati host asü. Iba sentong nung Sonu Nigam, Alia Bhatt, Sushant singh Rajput aser Ranbir Kapoor nungeria shilem agi.