Feng Shanshan-i Dubai Ladies Masters takok marok agizükogo

Dubai, December 12 (Agencies): China tsür, Feng Shashan-i 12 shots yanglua tongti golf asayamong, Dubai Ladies Masters takok marok tanü Honibar nü agizükogo.
World No. 6, Feng-i tan agi Dubai takok marok 3 tashi agizüker küma küm 10 tsüngda nung takok marok timba ngua Dubai asayamong nung shilem agir asayar akümer lir.
Feng-i tan takok anguba sülen tetsür golf asayar mongin, Annika Sorenstam-i Dubai Ladies Masters takok marok 2 ben tashi agizükba otsüsa ajangtetogo.
Feng-i points 21-under par 267 ngua küm tatemlen asayaba tongti asayamong takok marok agizükba den külemi, Ladies European Tour shilem nung Order of Merit sempet agizüktsü jenjanga angu.
Thailand tsür, Thidapa Suwannapura-ia points 9-under par 279 ngua tanabuba aser Britain tsür, Melissa Reid-i tasembuba jenjang ngua liasü.