Festival of Arunachal nung ninang mojitzü sen lakh 1 alang ayok

Itanagar, Tsüklai 26 (Agencies): Yangtepnü tembangba Festival of Arunachal nung agriculture department pur indang exhibition-cum-sale stall nung ninang mojitzü sen lakh 1.50 alang yokogo. Iba benjung ya IG park nung kaa liasü.
‘Arunachal Pradesh Bee & Honey Mission (ABHM)’ kübok Papum Pare, East Siang aser Changlang district tem nungi progressive farmer temi iba exhibition nung shilem agia parnok indang ninang mojitzü ayok.
Ninang mojitzü tem ya Apis Cerana (Indian Bee), Apis Melifera (Italian Bee), Apis Dorsata (Rock Bee) aser Apis Melipona (Stingless Bee) ninang tem metsüba nungi agizükba tem lir. Apis Melipona ninang metsüba nung yimzükba ninang mojitzü ya tesemdangertemi kanga sapua bushia liasü.
Apis Melipona aser Apis Cerana ninang sep aser ninang mojitzü nungi adokba honey cube nunger amala product tem exhibition nung sayaa liasü.
Iba sentong nung National Bee Board (NBB) Executive Director B L Sarswat densema tongtibang nisungtem aikati Tsüklai 21 nü agriculture department pur indang stall semdanga liasü. Iba dak alia Sarwat-i Chief Ministers Employment Generation Programme kübok Mani aser Doimukh yimtsüng nung Apiary aser ninang metsüba box yangluba tesem semdanga liasü aser ABHM kübok inyakyim dak temulung asüba lemsatepa liasü, ta ketdangser sangdong ka ajanga metetdaktsü.