FIFA Executive Council züngsem akümtsü patel renema lir

Rongchii/April, 1, 2019 (Agencies): All India Football Federation tir Praful Patel, India nunger rongnungi mezüngbuba FIFA Executive Council züngsem ka akümtsü asoshi renema lir.
AIFF osang ka ajanga ashiba agi, Patel ya Asian Football Confederation (AFC) nungi FIFA Council member pongu yoktsü aliba nung züngoksemtsü. Iba menden asoshi AFC pur Kuala Lumpur, Malaysia nung April 6 nü election agitsü.
Iba election ya 2019 nungi 2023 tashi atema agitsü aser iba ya 29buba AFC Congress mapang agitsü.
“Candidate 8 rongnungi pongu shimtsü aser Patel shimtsü tejangja lir. Pa FIFA Executive Council member akümtsü atem noklang nung shilem 90 timla lir. Tang mezüngbuba India nunger rongnungi nisung ka Council member akümtsü,” ta AIFF ketdangser kati ashi.
Member association temi tenüng benoktsü atema 2018, December 6 nü ya tatembangbuba anogo liasü.
AFC Electoral Committee-i iba menden atema candidate temsüa ali mali aji asadangogo aser FIFA Review Committee-i FIFA Council mapa asoshi candidate tem asadangogo.
AFC Electoral Committee-i election dak sendakba nung maparen ajak achaayanga inyaktsü. Kasa mapang nung FIFA Governance Committee-i FIFA Council menden atema election agiba asadangtsü asoshi nisung ka shimmer yoktsü.
FIFA Council Members Candidate tem yamai alitsü: Saoud A.Aziz M A Al- Mohannadi (Qatar), Khalid Awad A. Althebity (Saudi Arabia), Mariano V. Araneta, Jr. (Philippines), Chung Mong Gyu (Korea Republic), Du Zhaocai (China PR), Praful Patel (India), Mehdi Taj (IR Iran), Kohzo Tashima (Japan).