FIFA Goal of the Year sempet atema asayar 10 shimer

Zurich, November 22 (Agencies): FIFA Puskas Award ta ajaba 2016 Goal of the Year sempet agütsütsü asoshi shimba football asayar 10 tarensen nung Lionel Messi, Neymar aser Hal Robson-Kanu nunger tenüng densemba osang ka FIFA-i tanü, Mongolbar nü metetdaktsüogo.
Nüburtemi tatemsüa, asür Hungary captain, Ferenc Puskas nüngtem nung agütsüba sempet atema asayar shimtsü aser iba sempet ya FIFA Annual Player of the Year sentong taruba 2017 küm January ita 9 nü agidang agütsütsü.
Nüburtem rong nungi taruba December ita 2 nü tashi vote bendenba sülen tan shimba asayar 10 rong nungi vote timba angur asayar 3 shimshitsü aser tanabuba vote bendentsü sentong nung vote timtiba angur asayar tatem küma shimba sülen Swizterland kübok Zurich nung agiba FIFA Annual Awards sentong nung Goal of the Year sempetji asayarsang nem agütsütsü renema lir.
2015 küm September ita 30 nü nungi 2016 küm September ita 20 nü tsüngda goal tajungtiba agütsür asayartem shima, tan asayar 10-ji shimba osang angazükogo.
Messi, Neymar aser Robson-Kanu nunger den külemi, Simon Skrabb, Mario Gaspar, Mohd Faiz Subri, Hlompho Kekana, Saul Niguez, Daniuska Rodriguez aser Marlone nunger tan shimer asayar 10 rong nung densema lir.