FIFA Ranking nung Belgium-i world champion Germany ajangtetogo

Zurich, August 06 (Agencies): Brehostibar nü sayaba FIFA Rankings nung Belgium-i taoba World Cup Champion, Germany ajangteta tanabuba jenjangi tuogo.
Tanga temaba jenjang nung Argentina linüksa lir, aser taoba ita Copa America nung Gerardo Martino madak takok angur Chile-i Netherland ajangteta jenjang 10 buba tonga tuogo.
Ano, taoba ita 7 buba Gold Cup takok agizüker Mexico-bo jenjang 14 tashi ajangzüka tang jenjang 26 tongogo, aser kasa asayamong nung finalist Jamaica linük jenjang 21 tashi atsüngzüka jenjang 55buba tashi atu.
Ranking window nung match 29 asayaba nungi, match 26 bo Gold Cup indang lir, ano CONCACAF sides United States jenjang 29buba nung, Costa Rica 38 buba nung aser Trinidad & Tobago jenjang 55 buba nung lir. Parnok America nung asayaba sülen jenjang tajungba akümba kuli angur.
Tesem nung tangbo Mexico jenjang tajungba nung lir, aser Africa nung jenjang tajungbaji Algeria (19 buba), Asia nung jenjang tajungbaji Iran (41buba) aser Ocenia nung jenjang tajungbaji New Zealand (135 buba lir.
Maneni Austria jenjang 14 buba nung, Slovakia (14buba), Albania (22buba), Congo (43buba) aser Guam (146buba) nung lir.
Indian football team-i 2018 World Cup qualifiers nung Oman aser Guam den asayaba sülen jenjang 15 tashi atsüngzüka jenjang 156 buba nungang lir. Ano kidanger linük Pakistan-a jenjang 171 buba nungang lir.
July ita nung aliba rankings aser tanü sayaba FIFA world rankings yamai liasü:
1. Argentina (1)
2. Belgium (3)
3. Germany (2)
4. Colombia (4)
5. Brazil (6)
6. Portugal (7)
7. Romania (8)
8. England (9)
9. Wales (10)
10. Chile (11)