FIFA Rankings: Argentina tanga temaba jenjang nung lir

Zurich, November 24 (Agencies): FIFA-i tesüsa tanü, Brehostibar nü adoktsüba alimar football telok tarensen nung Argentina telok maneni temaba jenjang nung aliba osang jangjaogo.
Brazil teloki No.2 jenjang ajangzükba densema, South America nung tentetba football teloktem temaba jenjang nung alir telok 4 rong nung telok 3 tashi densema lir.
Tan November ita asayaba 2018 World Cup qualifying asaya nung goal 0-3 agi Brazil nem kokdakja aka, Argentina telok maneni No.1 jenjang nung lir.
Brazil teloki ajangtetba sülen World Cup champion, Germany tang 3 buba jenjang tonga luogo aser Copa America champion, Chile teloki temaleni jenjang 2 tashi tua, tang No. 4 telok kümogo.
Mexico telok ajangtetba sülen Costa Rica telok No.17 aliba aser United States teloki World Cup qualifying asaya 4 prongla nung tamakok ajuruba sülen tsünglangleni jenjang 4 tashi lua, tang No. 28 aliba osang jangjaogo.
Tsünglangleni jenjang 3 tashi lua aka, Iran-i No. 30 jenjang ajangzüka, maneni Asia nung tentetba telok tarensen nung temaba jenjang anguba aser No.33 jenjang ajangzüker, Senegal telok Africa nung tentetba telok tarensen nung temaba jenjang anguba osanga angazükogo.