FIFA Rankings: Belgium tan mezüngsüa World No. 1 akümer

Zurich, Novemer 05 (Agencies) : FIFA-i tanü Brehostibar nü adoktsüba FIFA football asayar telok tarensen nung Belgium teloki tan mezüngsüa World No. 1 jenjang abentsü jenjang anguba osang sangoktsüogo.
Yaküm, 2014 küm asayaba World Cup asayamong quarterfinal nung tsükaka, Belgium teloki European Championships qualifying asaya 2 tashi akokba sülen temaleni jenjang 2 tashi atutsü moangka ngua tan temaba jenjangji angur lir.
2014 World Cup champion, Germany-i Argentina telok den jenjang 1 agi temaba ngua tang World No. 2 lir.
Argentina teloki tsünglangleni jenjang 2 tashi alutsü jenjang tamajung ngua tang World No. 3 kümogo.
Argentina sülen anidaka, Portugal aser Copa America champion, Chile nati 4 buba aser 5 buba jenjang ngua lir.