FIFA Rankings: India 163 buba jenjang tongogo

New Delhi, January 08 (Agencies): Alima ajunga nung football asayatsüren ketdang asür, FIFA’er temaba jenjang nung alir asayar telok tarensen nung India telok tang 163 buba jenjang tonga atuba osang ka FIFA-i metetdaktsüogo.
India-i tawa South Asian Football Federation (SAFF) asayamong takok agizükba sülen temaleni jenjang 3 tashi atutsü maongka ngua tan World No. 163 jenjangji angur lir.
Sunil Chhetri-i aniba India teloki Afghanistan madak goal 2-1 agi koka SAFF takok marok taoba Deobar nü agizükba sülen par teloki ajak agi points 139 ngua Asia nung tentetba football asayar telok tarensen nunga tang 31 buba jenjang nguogo.
World No. 43 jenjang abener, Iran-i Asia football telok tarensen nung temaba jenjang ngua lir aser par telok sülen anidaka, Korea, Japan, Australia aser UAE nunger 2 buba, 3 buba, 4 buba aser 5 buba jenjang nung lir.
Alima tarensen nung Belgium teloki ajak agi points 1494 ngua temaba jenjang ngua lir.
Belgium sülen anidaka, Argentina, Spain, Germany aser Chile nunger tang 2 buba, 3 buba, 4 buba aser 5 buba jenjang nung lir.