FIFA Rankings: Küm 21 sülen India nunger Top 100 tongogo

Zurich, May 04 (Agencies): FIFA ajanga football asayar linüktem züngdangba Brehostibarnü sangdongba nung temelenshi aika melie Brazil temaba jenjang nung aser India jenjang ka melenshia 100 nung lir.
India nunger tebur football asayar telok-i jenjang 100 tongtetba ya küm 21 sülen ataloker.
Nütsüng yongsük billion ka dak tali liaka India nungeri cricket nung dang tali temolung agütsüba ajanga tanga asayatem nung terenlok kangabo melie aru. India nunger football asayar telok ya 1996 küm jenjang 94buba ngutet aser aji India nunger asoshi FIFA ranking nung jenjang tajungtiba lir.
March 22 nü Phnom Penh nung ‘friendly’ asayaba mapang India-i 3-2 agi Cambodia madak takok angu aser March 28 nü Yangon nung AFC Asian Cup qualifier asayaba nung India-i 1-0 agi Myanmar madak takok anguba ajanga India telok jenjang tajungba ya tongtet.
India nunger tebur football asayar telok ya June 7 nung Lebanon den ‘friendly’ asayatsü aser June 13 nung Asian Cup qualifier atema Kyrgyzstan den asayatsü lir.
India nunger tebur football team-i taoba match 13 asayaba nung asaya 11 koka lir aser item asayatem nung goal 31 agüja lir.
FIFA Ranking nung temaba jenjang 10 nung alirtem:
1. Brazil
2. Argentina
3. Germany
4. Chile
5. Colombia
6. France
7. Belgium
8. Portugal
9. Switzerland
10. Spain