FIFA Rankings nung India nungeri jenjang 99buba tongtetogo

New Delhi, Metsüremi 15 (Agencies): Yangtepnü Tsüklai (February) atema FIFA rankings sayaba nung India football team jenjang asem tejakdangi tua jenjang 99 buba tongtetogo.
Stephen Constantine-i aniba India team ya 2019 AFC Asian Cup qualifying asaya nung Metsüremi (March) 27 nü Kyrgyz Republic den Bishkek, Dolon Omurzakov Stadium nung asayatsü.
Küm 27buba nung tang India team Asian Cup nung asayatsüba maongka ngutetogo.
India team 2018 küm bo khen danga asayaa mali. Parnok tatembangsa Yimpoksüi (November) nung AFC Asian Cup qualifying Group A asaya nung Myanmar den asayaa lir aser iba asaya goal 2-2 nung tembang.
India nungeri Tsüklai rating points (333) nung point trok talila nguteta jenjang asem tejakdangi tuogo.
Tsüklai, Asian confederation nung jenjang 14 ngutetba sülen India jenjang ka tejakdangi atu. Kasa mapang nung Iran iba continent nung temaba jenjang nungsa lir.