FIFA telemtetbaren nung asayartemi tongti shilem agitsüla: Infantino

Zurich, March 01 (Agencies): Football asaya tendangtsüren nung technology tasen amshibaren tali kümdanga amshitsüla ta shia, FIFA Tir tasenba, Gianni Infantino-i asayartemi FIFA-i telemtet balala agibaren nung tongti shilem agitsü tajungshiba olen ka metetdaktsüogo.
“Asayartemi telemtetba balala agitsüren nung tongti shilem agitsüla kechiyong parnok ya football star-tem lir. Asayartemi parnoki ajangshiba nung ajemdaker lemsatepba shisatsü aser tajangshibatem angadangtsü nungdaka kümogo,” ta pai ashi.
Infantion-i taoba Hokolbar nü agiba FIFA Tir election nung takok ngua taoba Tir, Sepp Blatter melenzüka FIFA Tir tasenba aküm.
“Football asaya tendangtsüren nung referee-tem yaritsü asoshi technology mashitsü mashir saka technology tasen amshiba ajanga asaya tum nung aiben manendaktsütsüla,” ta Infantino-i shisem.