FIFA Tir election Feb. 26 nü agitsü

Zurich, July 20, 2015: Alima nung football azüoka ayur, FIFA atema Tir tasenba shimtsü asoshi February 26 nü, Zurick nung election agitsü, ta Hombar nü FIFA-i twitter ajanga metetdaktsüogo.
FIFA nung züngsem 209 pronglai Tir shimba election nung shilem agitsü.
Ponguben buba Tir menden toktepba nung takok angur anogo pezü dang lir, June 2 nü Sepp Blatter-i, ni iba menden toktsür, ta sangdonga liasü.
Jordan nunger Prince Ali bin Al Hussein-i election mezüng round nung vote 73 ang anguba ajanga arishi küm 79 tain, Blatter -i anguba vote 133 den metoktepteti atsüngadokba ajanga Blatter-sa Tir mendeni atuba lir.