FIFA U-17 World Cup India 2017 Emblem sayaogo

Chandi-garh, September 27 (Agencies): FIFA U-17 World Cup India 2017 asayamong emblem tanü, Mongolbar nü sayaogo.

Goa kübok Marriott Hotel nung agiba sentong nung FIFA Tir, Gianni Infantino aser All India Football Federation (AIFF) & Organising Committee (LOC) nung mendenbuba, Praful Patel nati shilem agia liasü.

U-17 World Cup ya India nung mezüngsüa international jenjang nung football asayatsü ayongba asayamong lir.

“India nung football jenjang kanga junga akümba kuli tejangja angur. Ajisüaka, football jenjang maneni tajungba kümdaktsütsü alizüng ayutsü nungdaka lir aser FIFA U-17 World Cup asayamong ya iba alizüng ajangzüktsü nung tongti mera ka agir asütsü,” ta Infantino-i tanü sentong nung metetdaktsü.

India’er sobaliba den tapetsüa, India Ocean, ako süngdong, kite aser starburst amshia tan sayaba emblem-ji World Cup takok marok mesüka yanglua lir.

“Tanü sentong ya India atema otsüsütsü sentong lir. Ozü India linüki tan mezüngsüa FIFA World Cup asyamong ayongba ajanga Indiaajunga nung football jenjang tajungba küma melenshitsü,” ta Patel-ia metetdaktsü.

FIFA U-17 World Cup India 2017 asayamong India kübok yimti 6 tashi nung sangküm, 2017 küm October ita asayatsü renema lir.