Fifa World Cup 2018: Argentina atema teimla terabo lir

Aami/June 22 (Agencies): Yasüng FIFA World Cup 2018 asaya nung Argentina-i Croatia matsüngdang tamakok nguaka Messi-i aniba Argentina team taruba round jagi aitsü atema ano teimla terabo lir.
Yangtepnü aonung Argentina aser Croatia na asaya nung Argentina-i 3-0 agi tamakok ngua liasü, ibayongji tang parnok Group D nung jenjang tamajung ka nung lir, ajisüaka taonung kasa Group nungi Nigeria-i Iceland madak takok anguba ajanga parnok asoshi jenjang tera jungogo.
Asaya ana sülen tang Argentina-i point ka ngua lir. Croatia-i asaya anaprongla nung takok ngua point 6 nguogo. Iceland-i point 1 aser Nigeria-i point 3 ngua lir.
Tang iba ama jenjang ka nung Argentina-i Nigeria kokra parnok jenjang ano tajungba akumtsü.
Tang tashi nung Group D nung Points ji yamai lir:
Croatia 6
Nigeria 3
Argentina 1
Iceland 1
Argentina Round of 16-i atutsü atema parnoki Nigeria akoktsü nüngdaker, Croatia-i Iceland akoktsüla mesüra draw bosa asutsüla. Argentina-i Nigeria kokra aser Iceland-i Croatia kokra, Argentina aser Iceland naprong point pezüzü asütsü, anungji goal kwi yok, ibaji ajanga point ji bendangtsü. Ano goal ji kasa dang süra tanga tiebreakers (yellow card achiba) ajanga bendangtsü.