Fifth Harmony-i Sam Smith den külemi inyaksemner

July 17, 2015: Tetsür kentener telok ‘Fifth Harmony’-i, parnoki Sam Smith den külemi inyaksemener aser pai takok nguteta aliba mapa parnoki takok nguner ta ashi.
‘Worth It’ ken atener telok Fifth Harmony-i arishi küm 23 Sam den külemi ken tener kechiyong pa olaji kanga junger ta ashi.
Parnoki shirnok den külemi inakner ta BANG showbiz-i asüngdangba langzüdang telok züngsem Dinah Jane Hansen-i, ‘Ni asoshibo Sam Smith. Pa olasü ajungbaji ni meimer aser onoki pa den sentepa inyakra, iba sentep mapaji kanga ajungtsü ta ni bilemer, iba den külemi pa den nüknürar ken kar lemsatepa tenra ibaji jangratemtsükla asütsü,” ta ashi.
Fifth Harmony kentener telok nung tanüngba züngsemtemji Ally Brooke Hernandez, Normani Kordei, Camila Cabello aser Lauren Jauregui nunger lir.