Film director Paul Quinn arishi küm 55 nung süogo

September 04, 2015: Hollywood film director, otsü zülur aser actor Paul Quinn arishi küm 55 nung süogo.

Paul Quinn ya film aser television nung shilem agir Aidan Quinn den adianu lir. Pa New York nung Bodhbar nü cancer agi shiranga iba lima nungi pilaogo.

Pai zülua direct asüba feature film rongnung mezüng bubaji 1998 küm tangokba drama ‘This is My Father’ lir aser iba drama nung Aidan Quinn aser James Caan nati tongti shilem agia liasü. Ano pa adianu, Declan shiba cinematographer ka lir paia iba project nung kanga teyari agüja liasü.

Iba sülen Quinn-i 2002 küm ‘Never Get Outta the Boat’ film yangluba den TV series ‘Scrubs’-a yanglua liasü.

Iba sülen 2015 küm William Shakespeare indang Henry VI, shilem 1 aser 2, H4 ta tenüng agütsür yanglu.

Iba den külem pai ‘Leaving Las Vegas’, ‘Avalon’, aser ‘Bob Roberts’ film tem nunga shilem tilala agia lir. Chicago nung film sayuba hall ka agi film yangluba tesem küma yangluba New Crime Productions ya pa den actor John Cusack, Jeremy Piven aser Steve Pink nungeri nguteta liasü.

Pa meyong tesüsaba projectji ‘Good Ol’ Boy’ liasü koba pai zülu aser produce asü. Iba film ya October ita New York nung Woodstock Film Festival mapang sayutsü sentong lir.