Film nung tebang meseptsü temulung agi magizüktetter:Salman

November 09, 2015: Salman Khan-i nüknürar film aika nung tongti shilem agia aruogo, ajisüaka pai, “Ni film nung tebang meseptsü nüngdak mali ta bilemer kechiba süra kü mulung agi iba yimya magizüktetter,” ta ashi.

Bajrangi Bhaijaan film nung tongti shilem agisang, Salman ya tang Prem Ratan Dhan Payo film sayatsü ataba mapang ka lir aser pai ‘M Bole Toh’ sentong (show) nung pa dak atalokba otsü aika shia liasü.

Iba sentong anir Husain Dalal-i pa dang film nung kechiba tebang memesepteptsüla ta asüngdang dang, pa, “Iba yimyaji kü mulung agi magizükteter. Ni nema matanger masü saka ni tip metemi bilemer. Film nung tebang meseptsü kecha tenüngdaktsü mali ta nibo bilemer. Nüngdakba mapangbo ni tebang meseptsü ajisüaka nibo nüngdak mali amai bilemer,” ta langzü.

Salman-i pa Maine Pyar Kiya aser Hum Aapke Hain Koun film tem nung Barjatya den külemi shilem agiba bilemteta liasü.