Film reprangdanger ang ola adokang: Shahid Kapoor

Mumbai, June 15 (Agencies) : Shahid Kapoor-i shilem agiba film ‘Udta Punjab’ atema ashishitep ken o aika adoka lir, saka pai nübortem dang film mereprangdang yongi junger mesüra majung ta oshidang tagütsü ta tayongzükba agütsü.
“Minute ka indang promo reprangba sülen film aser shilem agiba asoshi oshidang magütsütsüla. Film ji ghonda 2 ser tesadang lir, anungji mezüng nai film tembanga reprangba sülen ang ola adokang” ta Shahid-i ashi.
“Film mereprangdang yongi ashishitep ken o tem adok” ta ‘Udta Punjab’ film atema osangbener senden ka nung Shahid-i ashi.
Shahid-isa pa den külemi shilem agir Alia Bhatt nem tenüngsang agütsütsü atema ayongzük. Lai film nung shilem tajung agi aser mozü achir ka ama shilem agitsü atema tasü itta mulungtet, ta paisa shisem.
‘Udta Punjab’ film ya Abhishek Chaubey-i direct asü aser Shahid o Alia na den Kareena Kapoor Khan aser Diljit Dosanjh natia shilem agi.