Fire awareness training ka agitsü

Dimapur, Rongchii/April 9 (TYO): Kohima Deputy Commissioner Anoop Khinchi, IAS-i, “National Fire Service Week” amungba nüngtem nung fire awareness training ka Local Ground Kohima nung April 18, 2019 nü ayongzüka akatsü metetdaktsüogo. Iba sentong nung mi lendong nung kümzüka alitsü, nokdangtsü aser koda anepalutsü iba indang tesayuba agütsütsü.
Pai, iba training nung Department ajak nungi ishitiba agi nisung ananabo yoktsü asoshi mepeshia asüngdangogo. Maneni iba sentong nung shilem agitsüpurtem osang tejangja April 16 nü tashi nung Deputy Commissioner Office nung osang agütsütsü metetdaktsüogo, ta IA Kohima sangdong ka ajanga metetdaktsü.