Fishery Dept-i Bade nung ango metsürtem nem training agütsü

Dimapur, April 26 (TYO): April 26, 2017 nü Bade village panchayat hall nung state sorkar Firshery Department kübok Chief Executive Officer (FFDA) Dimapur, Dr. Vimezo Kire leniba nung technical staff tem, Kr. Shamyung (fishery inspector), Nokener aser Ayutemjen (fishery demonstrator) nungeri anogo metsür parnok nisung 25 nem Indian major carps aser Exotic major carps indang training ka agütsüogo.
SAGY (Sansad Adrash Gram Jojana) kübok Rajya Sabha MP, K.G Kenye-i Bade village ya model village ka ama shima lir.
Training agütsüba den külemi Fishery Department-isa yimdak ango metsürtem nem floating fish feed (ango chiyungtsü) seret 350 aser shinü seret 450 den training manual “Handbook on culture of Indian major carps and Exotic major carps” kaket lemja liasü, ta ketdangsertem sangdong ka nung metetdaktsü.