Flaxseed achiba ajanga temang tuozük ajemdaktsür aser anema yutsür

Asen temang anema yutsüba dak alia, flaxseed süngjang achiba ajanga temang nung gut microbiota tajungba kümdaktsür, temang tashiita yutsür aser iba denji külemi temang nung temo ajemdaktsür, ta bushisüngdang ka ajanga metetdaktsü.
Flaxseed ya fibre agi tua aliba süngjang tapu ka lir koba ajanga temang nung cholesterol level ajemdaktsür aser tar tuluba (colon) nung teyari jenti agütsür.
Iba bushisüngdangba ya koya dak-a tendanga liasü, kong flaxseed süngjang agi mesüba koya temji kanga teyakyak aser taoba dang nungi item koya tuozük tajemba liasü.
Iba süngjang (Flaxseed) yagi temang nung glucose level tajungba kümtsür aser tajangzük aliba fatty acids tem temang nung liromedema yutsür.
Gut nung dietary fibre (Flaxseed) ajanga digestive system nung temang agi agizüktsüsa temelenshi adokdaktsür.
Iba denji külemi, temang atema tajangzük aliba fatty acids züindaktsür koba ajanga asen temang nung adipose tissue adoktsü aliba nokdangtsür aser immune dak sendakba inyakyim tashiita yutsür, ta Physiology: Endocrinology & Metabolism bushisüngdangba indang American Journal ajanga metetdakja liasü.
“Flaxseed fibre supplementation yagi metabolism nung yarir koba ajanga temang nung tashi agütsüba den temang tuozük ajemdaktsür aser glucose level tajungba kümtsür,” ta Sweden nung University of Gothenburg, Fredrik Backhed-i ashi.