New Delhi, August, 31 (Agencies):Online nung lijalirongtsü kanga temela aser iba denji mesüktepa aseni aliba oset imlaba ama mesüra sen meyipa meshitsüa temela kümogo. Iba tenagzükba ya Flipkart-i tanü Deobar nü sen meyiptsütsü sentong tasen ka lapokba mapang metetdaktsüogo.
Iba sentong ya ajanga oset alir imlaba ama mesüra sen ghonda 24 tsüngda meyiptsütsü.
Mezüngbo sen meyiptsütsü asoshi sodi masüba anogo pongu agia liasü.
“Cash on Deliver (CoD) ajanga aliba oset meyiptsüba indang senbo oset jagi Flipkart tongli talir nem meyiptsütsü,” ta Flipkart sangdong ka ajanga metetdaktsü.
Iba maparen ya Immediate Payments System (IMPS) ajanga inyaktsü. Oset meyiptsürtem nem sen mangu tashi SMS aser email ajanga maneni sen meyiptsüba osang metetpela alitsü, ta kasa sangdong ajanga ashi.
Oset melentepba maparen ya tangar dang nungi onok tekaraba lir, ta Flipkart Chief Product Officer Punit Soni-i osangbenertem dang ashi.
Oset melentepba aser sen meyiptsüba maparen kanga kara aser kecha timtem makai aobaji talirtem den maneni tongtepratepba ajanga lir, ta pai shisem.
IMPS ajanga sen meyiptsüba ya mobile phone, pei computer, NUUP, ATM aser bank branch tem ajanga osang tejangja agitettsü aser ita shia transaction million 12 takok ngua agidar, ta Filpkart-i ashi.
You must be logged in to post a comment Login