Flipkart-i Republic Day sale sangdongogo; Phone aika nung jenjang ajemer

Aenjeti 16, 2018 (Agencies): Amazon ajanga Great Indian Sale sangdongba sülen Flipkart-ia kasa hopta nung parnok indang shishilembaba sabang ajanga phone balala jenjang tajemba nung ayoktsü sangdongogo. Flipkart indang Republic Day sale ya Aenjeti 21 nungi tenzüka anogo asem asoshi alitsü.
Online nung shishilembar asoshi mobile ajak nung jenjang metetdaktsü. Parnokisa Citi credit aser debit card ajanga alir nem sen shilem 10 meyiptsütsü metetdaktsü. Amazon Great Indian Sale ya Aenjeti 21 nungi tenzüktsü aser Aenjeti 24 tashi alitsü aser parnoki mobile nung shilem 40 agi ajemer agütsütsü.
Smartphone tejen tem nung jenjang ajemba den külemi Flipkart Republic Day sale nungsa India nung Honor 9 Lite sayaba angutsü.
Flipkart indang Republic Day sale Aenjeti 21 nungi tenzüka anogo asem nung jenjang ajemba phone tem yamai alitsü:
Xiaomi Redmi Note 4 : Kangadang nüngtugu Xiaomi Redmi Note 4 ya Flipkart indang Republic Day sale nung sen 2,000 agi ajemer angutsü. Tang iba smartphone 4GB RAM aser 64GB internal memory aliba model ya jenjang sen 12,999 agi angur aser Aenjeti 21 nungi tenzüka anogo asem nung sen 10,999 agi angutsü. Iba phone sayar küm ka jungogo aser nüburtemi kanga sabua amshiteper. Iba smartphone nung display ya 5.5-inch full-HD den tesülen camera ya 13-megapixel aser tejaklen camera ya 5-megapixel lir.
Moto G5 Plus : Flipkart sale indang anogo asem nung Moto G5 Plus smartphone ya sen 10,999 agi angutsü. Iba smartphone mezüng ayokba mapang sen 16,999 agi yoka liasü saka tang Flipkart nung sen 13,999 agi ayoker. Iba smartphone nung 4GB RAM aser 3000mAh battery alitsü. Moto G5 Plus nung processor ya Snapdragon 625 alitsü.
Lenovo K8 Plus : Lenovo K8 Plus ya iba Flipkart sale mapang sen 8,999 agi angutsü. Iba smartphone ya tang sen 9,999 agi ayoker. Iba smartphone nung dual rear camera set-up keta lir.
Pixel 2 XL : Google indang second-generation Pixel 2 XL ya mapang tatakzük ka atema India nung sen 48,999 agi angutsü. HDFC credit card amshia alira iba smartphone nung sen 10,000 ajemer alitettsü. Iba smartphone nung 6-inch P-OLED display den 1444×2880 pixel aser 18:9 aspect ratio alitsü. Iba smartphone ya IP67 certification alitsü aser Snapdragon 835 processor lir.
Xiaomi Mi MIX 2 : Xiaomi indang tatem külen nungi tatem külen tashi display aliba Mi MIX 2 ya kasa anogo asem nung sen 29,999 agi angutsü. Iba smartphone ya tang sen 37,999 agi angur. Maneni iba phone ya exchange asüba nung sen 3,000 ajemer angutsü. Iba smartphone nung 6GB RAM aser 128GB internal storage aliba nung sen ajemer angutsü.
Samsung Galaxy On Nxt: Galaxy On Nxt 64GB model ya sen 11,900 agi angutsü aser iba smartphone ya tang sen 17,900 agi angur. Kasa phone süaka 16GB model ya sen 9,999 agi angutsü aser iba phone ya tang sen 10,999 agi angur. Iba smartphone indang display ya 5.5-inch full-HD aser battery 3300mAh alitsü.