FNBA general assembly March 17 nü tenzüktsü

Dimapur, Metsüremi/March 13 (TYO): “Live peaceably with all” omen nung ajemdaker Fellowship of Naga Baptist Associations (FNBA) general assembly ya March 17 & 18, 2020 anogotem nung Chakhesang Baptist Church Kohima, CBCC ajanga ayongzüktsü. Iba sentong nung FNBA tir, Rev. Dr. Visor H. Zeliang aser Ao Baptist Arogo Mundang (ABAM) executive secretary, Rev. Dr. Mar Atsongchanger nati Tsüngrem o abentsü.
Iba sentong nung Naga nunger Baptist association ajak nung delegates tajemba agi nübu asem aser FNBA indang committee züngsem ajak arua adentsü mepishir, ta Rev. H. Gideon, general secretary, FNBA ajanga sangdong ka nung metetdaktsü.