FNR-i Open Public Interaction ayongzüker

Dimapur, Rongchii (April) 24 (TYO): Forum for Naga Reconciliation (FNR)-i Rongchii (April) 25, 2018 nü Elim Hall, DABA nung Open Public Interaction ka ayongzüker.
Iba sentongji nikongdang 1:00 ako nungi tenzüktsü aser omenji “Reasoning Together” asütsü.
Dimapur nung Public Interaction ji FNR-i inyaka aotsü sentongtem atongba rongnung mezüng asütsü. Iba sülen Rongchii (April) 28, 2018 nü The Heritage, Kohima nung aser Monupii (May) tetenzüklen Delhi nung alitsü.
Maneni tanga tesemtem nunga iba sentong agitsü tebilemba lir, ta FNR sangdong ka nung metetdaktsü.