Food & Civil Supplies, Dimapur ajanga metetdaktsür

Dimapur, Yimpoksüi/Nov. 01 (TYO): Food and Civil Supplies, Dimapur, Nagaland ajanga “Allocation of Foodgrains under Welfare Institutions and Hostel Scheme” mapa küma inyaka aotsü. Iba scheme ya Welfare Institution Scheme aser SC/ST/OBC Hostel Scheme lokteper tenzükba lir. ST/SC/OBC Hostel tem nung alir/kaketshir atema lemzüktsüba jangotsü ya lokti nung tajemzükba kin ajungkettsü aser renlokdaktsütsü atema lapokba rejutem nung chiyongtsü tajung agütsütsü atema lir, ta Food and Civil Supplies, Dimapur, Nagaland nung Assistant Director, N.Jamonger Ao ajanga sangdong ka nung metetdaktsü.
Paisa ashiba agi, iba scheme kübok jangotsü ya ST/SC/OBC aliba hostel tem nem lemzüktsütsü, kong hostel nung alir shilem asem nungi anasübo ST/SC/OBC kin nungi asütsüla. Iba teyari angur/hostel tem jangotsü ya BPL jenjang nung agütsütsü aser ita ka nung beneficiary ka nem timba agi seret 15 agütsütsü.
Iba atema Dimapur District kübok temsüa aliba Welfare Institution/Hostel tem dang agüja aliba office nungi jangotsü Yimpoksüi/November 5, 2018 anogo nungi tenzüka agizüktsü asoshi office mapang Release Order meshitsüla. Release Order angutsü asoshi tsünglanglen agüja aliba document bener arutsü metetdaktsü:
1. Welfare Institution/Hostel kibur indang Aadhaar.
2. Tim ketdangsür nungi Society indang temsüa aliba certificate/registration.
3. Tim ketdangsür nungi taliba tesem indang kulikaket.