football exhibition match ka yangi 44 AR ground nung asayaa liasü.

Mokokchung, April 15 (TYO): “Sentinels with Sons of the Soil” omen nung ajemdaker Mokokchung Young Hearts United (MYHU) telok o 44 Assam Rifles na football exhibition match ka yangi 44 AR ground nung asayaa liasü.
Iba asaya nung MYHU teloki mezüng asaya tesadang nung goal ka agütsü aser iba goal-ji 44 AR teloki tanabuba asaya tesadang nung küpzüka iba asaya draw nung tembang. MYHU telok nung team captain-ji taoba Nagaland Chief Secretary Alemtemshi Jamir IAS (Rtd) aser 44 AR telok nung team caption-ji Col. K.S Kataria liasü.
Tanü iba asaya tenzükba sentong nung Mokokchung Town Baptist Arogo pastor Rev. Ponen Longchar den temoatsü meshia sarasadem. Sentong nung Alemtemshi Jamir, Col. Kataria, Dr. Watizülu, Nise Meruno, comedian Hopong Naga nungertemi shilem balala agia tesentepertem ayongzüka liasü.