Forbes 30 Under 30 Asia list nung Shraddha Kapoor züngsem

Mumbai, February 28 (Agencies): Bollywood actress, Shraddha Kapoor-i mapang tatsüka tsüngda jenjang tajung tongtetogo aser la sapurtem aika kümogo.
Tawa sangdongba Forbes 30 Under 30 Asia list nung la tenüng züngsema lir aser iba atema la kanga ajemalushir osang ka ajanga metetdaktsü.
“Tenüng tajung angurtem jenjang atongbaji tezüba masü aser ni iba maongka anguba ajanga ajemalushir. Iba ya ajanga kü tajungtiba agi meranga inyaktsü ajungmesor,” ta lai ashi.
Iba tenüng tarensen nung cricket asayar Virat Kohli aser international actor Liam Hemsworth na dena lir, saka Bollywood nungibo entertainment aser sports sector kübok Shraddha dang lir.
Tang Shraddha-i ‘Rock On 2’ aser ‘Baaghi’ film tem atema kanga mazüngi shilem agidar.