Forbes India’s list nung Jorhat tsür Shahnaz Ahmed züngok

Jorhat, March 20 (Agencies): Forbes India’s list nung Springdale High School in Jorhat (Assam) nung chairperson Shahnaz Ahmed züngsemogo.
Shahnaz ya ‘Globally Recognised Indian Business Leaders’ telemsa nung züngok aser Northeast nungi iba list nung züngsemer mezüngbubaji la lir.
Shahnaz-i küm aika lokti atema mapa inyaka arur aser la ya kümsük asemben atema Country Women Association of India (CWAI) national president inyak.
Laisa tanur aser tetsürtem atema shisaliok mapa aika inyaktsü aser küm 35 tashi mapa inyaka arudang quality education agütsütsü atema bendanga agüja inyaka arur.
“Ni mapa inyakba ajitetba atema kanga pelar. Ni quality education agütsütsü atema bendanga agüja inyaka arur aser tetsürtem atema inyaka arur. Asenoki alizüng atongtsü atema mapang talang ka lir saka külemi inyakra aser bendanga agütsüra asenoki alizüng atongtsü” ta Shahnaz-isa ashi.
Shahnaz-isa International Educator Award 2019, Asia’s Finest Educator 2018-19, Won Star of Asia Awards 2018 for Excellence in Women Entrepreneur Category, Iconic School Leader at Global Teacher Awards 2018, Nelson Mandela Global Peace Award, 2018 for Excellence in Social and Public Service aser Lifetime Achievement in Education sempettem nguogo.