Ford den ‘Indiana Jones 5’ film yanglutsü yongyar: Spielberg

Los Angeles, November 02 (Agencies): Nüngtugu film yanglur, Steven Speilberg-i Hollywood actor, Harrison Ford den maneni külemi lungjemer ‘Indiana Jones 5’ film yanglutsü yongyaba olen ka metetdaktsüogo.

British Academy Britannia Awards sentong nung Ford nem tetushi agütsüdang Spielberg-i iba olenji metetdaktsü ta Ace Showbiz-i osang jangashitsü.

“Ni Ford den külemi lungjemer ‘Indiana Jones 5’ film yanglutsü yongyar. Iba ya künati külemi lungjemer tesüsaba Indiana Jones film yanglutsü osang sangdonger masü saka kü mangdang ka lemsateper dang lir,” ta Spielberg-i ashi.

‘Jurassic World’ film nung shilem agisang, Chris Pratt-i taoba mapang yangluba Indiana ‘Jones film’ 4 prongla nung Indiana Jones ama shilem agisang, Ford melenzüka ‘Indiana Jones 5’ film nung Indiana Jones ama shilem agitsü akok ta olulu adoktsü tenzüka lir.

Ajisüaka, “Tesüsaba ‘Indiana Jones’ film yanglutsü asoshi ano sentong tembanga renema mali,” ta ‘Indiana Jones’ film 4 prongla produce asüsang, Frank Marshall-i metetdaktsüogo.