Ford India-i taküm sayatsü aliba Mustang aser Endeavour tasenba sayuogo

February 04, 2016 : America nung gari yanglur tettsüti Ford Motor Company meyong India Ford Company-i taküm sayatsü aliba Mustang aser Endeavour tasenba sayuogo.

Ford India-i ashiba agi, Mustang ya India nung April, 2016 meta nungi ayok tenzüktsü.

“Gari alia amshirtem jangratema aser temulung süa amshitsüsa company-i gari yanglutsü meranger. 2016 küm Mustang Endeavour tasenba sayaba ajanga onoki jenjang tajungba akümtsü aser ibaji ajanga bendang linüktem nung gari belenshia yoka shishilembaba nung tajangzük anguba tsütsü lenmang tajungba akümtsü,” ta Ford India nung Tir, Nigel Harris-i sangdong ka ajanga ashi.

Mustang aser Endeavour den EcoSport, Figo tasenba aser Figo Aspire gari tem yanglutetba ajanga Ford-i nüburtem nüngdakba reprangteta gari tem yangluba jangjar.