“Foreign Engine in Flight” sangro kaket online nung sayaogo

Kohima, Tsüklai/February 04 (TYO): Sangro 60 dak tema bendenba “Foreign Engine in Flight” (A light of passage in Poems) kaket February 3, 2022 nü Press Publication portal aser Amazon India nung sayaogo. Iba kaket ya Moasenla R. Jamir ajanga zülu.

Kaket zülur ajanga ashiba agi, “Foreign Engine in Flight” ya sangro 60 bendenba lir, koba küm ka tsüngta zülu.

Memichir ya lemsateptsü, sendakteptsü aser külemi aintsü aso, ta sangru züluri angatetba iba kaket nung shia lir.

Iba kaket nung aliba sangru tem ajanga pei sasa talenba nungi salaba, pei sasa pei asadangba aser takum nung chichiba nükjidong den lirumedemba indang shia lir.

Iba kaket ya tezülur takum benjongba, tensa tia tajung aser tamajung ajanga litetba, saka alidang aser mejanga alidang anguba mangdang aser la nük agi alima nüngjang petinu tem angatetba indang lir.

Kaket zülur ya India kinük pezüprong nung alitsü maongka angu, anungji linük tesem ajungalen sobaliba balala ajangshi. Ibaji ajanga lai tangatetba balaka nung kaket ya zülu.

La ya 3D animator ka luasü aser live-action film yanglua liasü.

Iba kaket hard copy ya Notion press publisher aser Amazon India-prime nung linük 150 dak tema nung order sütettsü aser ano yakta Flipkart aser alima tesem ajunga nung Amazon channels, Amazon kindle, Kobo, Google Play aser iBooks nung eBooks angutsü.