Foreign Secy senden atema India-i anogo shimtsüla: Pak

Islamabad, Feb. 18 (Agencies): Brihostibarnü Islamabad (Pakistan)-i New Delhi dang foreign secy. senden amentsü atema tekaraba nung anogo shimdaktsüner, ta shiogo.
Tanü Foreign Office otongdar, Muhammad Nafees Zakria-i, “Iba onük nung linük anapronglai tongtepratepdagi, ajisüaka senden amentsü anogo shima mali,” ta ashi.
January 14 nü India aser Pakistan napronglai Foreign Secy. senden amentsü anogo shimshitsü bangjema lir.
January 2 nü Pathankot air base amakba ken o nung Pakistan nung amenoka aliba telok, Jaish-e-Mohammad (JeM) nem temerenshi agütsütsüla, ta India-i Pakistan nem takhangba agüja lir.

You must be logged in to post a comment Login