Forest Colony, Nagabazar, Tyrants & Country Boys teloki takok angu

Kohima, September 28 (TYO): Forest Colony, Nagabazar Youth Organisation, Tyrants Football Club aser Country Boys, Peren teloktemi takok ngua, tang tasayadak 17 buba NSF Martyrs’ Memorial Football Tournament asaya tanü, Bodbar nü asayaogo.

Tanü mezüngbuba asaya nung Forest teloki goal 3-1 agi Haworthia FC telok agi akok.

1. Paul Gangmei-i minute 17 aser 57 buba nung goal 2 agütsüba den repsema, Gaidun-i minute 70 buba nung 3 buba aser takokba goal agüja, par Forest teloki takok angu.

Nagabazar teloki goal 9-0 agi XII Tribes United FC telok tanabuba asaya nung ajemshia akok.

Rajulhoulie-i minute 33, 35, 41, 43, 56 aser 69 buba nung goal 6 tashi agüja, tan asayamong nung hat-trick 2 buba aser 3 buba yangluba den külemi, tan asayamong nung goal timtiba agütsür asayar aküm.

Külem asayar Atho, Khekito aser Medovituo nungeria minute 15, 50 aser 57 buba nung goal kaka agüja, par Nagabazar telok nem takok ngudaktsü.

Tasembuba asaya nung Tyrants teloki goal 5-3 agi Peraciezie Royals telok tsükdaktsü.

Vilhouvotuo Sale-i minute 7, 9, 33 aser 43 buba nung goal 4 tashi agüja hat-trick 4 buba yanglur asaya akümba sülen külem asayar, Kapzie Konyak-i par Tyrant telok asoshi 5 buba aser takokba goal agütsü.

Royals telok tenüng nung Kedahulo-i goal 1 aser Shalo Kemp-i goal 2 agüja liasü.

Tanü tatembangba asaya nung Kavi, Kisan aser Mansak nungeri minute 28, 44 aser 60 buba nung goal kaka agütsüba ajanga par Country teloki goal 3-0 agi Striking X, Zhadima telok madak takok angu.

September 29 nü asaya yamai alitsü:

1.      Vanguard FC vs Billy Graham FC @ 9:30am
2.      Red Hawks FC Dihoma vs Kuki United FC @ 11am
3.      Senapati FC vs Upper Bayavu YO @ 12:30pm
4. Lamkang SC vs Forerunners FC 4th NAP @ 2pm