Forest Dept-i Clean Environment Drive tenzük

June 25, 2019 nü Range Office Kohima nung PCCF Nagaland, Rajat S. Pal, IFS-i yimdaklirtem nem Eco Friendly Waste Bin lema agütsüdang tangokba noksa nung angur.

Kohima, Aami/June 25 (TYO): Green Initiative Program kübok by Department of Environment Forests and Climate Change, Kohima Forest Division-i June 25, 2019 nü Range Office Kohima nung Clean Environment Drive program tenzükogo, ta ketdangsertem osang ka ajanga metetdaktsü.
Iba program ya PCCF Nagaland, Rajat S. Pal, IFS-i tenzükja yimdaklirtem nem Eco Friendly waste bins lemtsü.
Iba sentong nung jembidang PCCF Nagaland, Rajat-i iba sentong nükjidong temelung nung yur department-i agütsüba osettsüsettem tajungtiba nung amshitsü ajungshi.
DFO Kohima, Rongsenlemla Imchen-i, libajen merüka ayuba nung lokti teinyaktsü mapatem indang metetdaktsüba den külemi tajangzük balala angutsü atema yimtsüngtem nung süngdong atemtsü ajungshi.
Kohima Forest Division kübok 2017 küm Green Initiative Program ya tenzüka liasü, aser iba kübok school temi nurseries aser süngdonglidong anepaluba den külemi SHG’s nem nüngdakba teyari balala agüja liasü.
Taküm iba sentong nung Clean Environment Drive inoksem, aser iba kübok yimtsüngtem nem Eco Friendly waste bins lema agütsür.