Four Nations Invitational hockey tournament: India aser Japan asayatsü

Tauranga, Aenjeti 16 (Agencies): Rasemnü (Bodhbar) nungi tenzüka tebürtem Four Nations Invitational Hockey Tournament asayatsü aliba nung India aser Japan na mezungbuba match asayatsü.
Japan nunger den asayaba sülen India nunger New Zealand aser Belgium den asayatsü.
Blake Park nung anogo pezü training agia Tauranga nung asayatsüba yimya meteta akümba sülen Rupinder Pal Singh-i ashiba agi, iba asayamung nung kanga junga asayaa season kanga junga tenzüktsü imlar.
“Taküm atema iba ya mezüngbuba asayamung lir, aser asaya tajung kar koka küm tenzüktsüji kanga tongtibang lir,” ta Rupinder Pal Singh-i ashi.
India nungeri Japan den kanga junga asayaa arudar, aser taoba küma parnoki Asia Cup nung goal 5-1 agi Japan madak takok ngua liasü.
India nunger Japan nem mekokdaktsütsübaji parnok nükjidong rongnung ka asütsü, saka Olympic Silver Medallist Belgium shirnok den Aenjeti 18 nü tanabuba asaya asayatsüba lir parnok amala team ka den kanga junga asayatsü nüngdakba Rupinder-i lemsatep.